~~حلم البنات~~

الا ياشاعره تحلـم بحلـمً يكشـف المستـور == تمـد شراعها تبحر عسى توقف على ميناه


تسطـر في دفاترهــا تقلـب خاطـرً مكسـور == تداعـب عينهـا الدمعـه بحلمً ماقـوة تنساه


تعبر عن مشاعرها تبي فارس شهم منعور == كريـم وكـل بنـتً تحلـم بمثلـه تبي شرواه


تبي مـن هـو له العالم توقف صفهـا طابـور == تبي تتفاخر بصيتـه تبي تسمع حـلا طرياه


تهوجــس بالزمـان المـر تتكلـم بليا شعــور == تحدث نفسها في نفسها والصمت ماتقواه


وتتئمـل لحلـم بعيـد يمـر شهـور ولا دهــور == تخاف الـوقت ينساها ويبقى للعمـر ذكراه


أنا يابنـت مثلـك ماقـويـت أغيـر الـدستــور == وحلمي واسع خياله ولاالحـق على أقصاه


أبي لي مهرةً تسوى عدد ماللحفل جمهـور == أبيهــا فـي طـبايعهـا غـرور وكبــر ماتـلقاه


أبيهـا قطعـةً تشبـه وصايفهـا بنـات الحـور == أبـي كـل البشـر تتعجب بسبحـان مـن سـواه


نعيـش أحـلام ورديـه وحظـي دايـمً معثــور == ولك حظك ولي حظي وكل أنسان في ممشاه


ولولا الحلم ماعشنا يموت صويحبه مقهور == تموت الناس بالدنيا سنـه سنتين ثـم ننساه


شعر/
محمـد السبيعـي . .

الشعر مررررررررررررررررررررررررررررره خيال